Ш.Уәлиханов атындағы №10 орта мектеп-гимназиясында 31.01 күні ауған соғысы ардагері Данабеков Ержан Сүлейменұлымен кездесу кеші өтті.

Бүгін, яғни 31.01 күні ауған соғысы ардагері Данабеков Ержан Сүлейменұлымен кездесу кеші өтті. 1979 жылы 25 желтоқсанда Кеңес әскерлерінің шектеулі контингенті Ауғанстанға кіріп, 1989 жылдың 15 ақпанында 40-Армияның қолбасшысы генерал-лейтенант Б.Громовтың «Кеңес әскерлері Ауғанстан жерінен толықтай шықты» деп баяндаған уақытына дейінгі 10 жылға жуық мерзімде соғыс қимылдарын жүргізді. Оған КСРО елдерімен қатар Қазақстаннан 22 мыңнан астам адам қатысып, олардың 761-і қаза тапқан, 21-і хабарсыз кеткен. 30 жыл бұрын Кеңес әскері ауған жеріндегі ұрыста Отан алдындағы интернационалдық борышын өтеп, ауыр сынақты бастан кешті. Кездесу барысында, ауған соғысы ардагердері ұрыста жасаған ерліктері жайлы әңгімелеп, қазіргі күнде оларға жылда құрмет көрсетіліп келетінін мақтанышпен айтып, алғысын білдірді. Оқушылар ардагерге өздерінің сауалдарын қойып, жауабын алды.