РЕСПУБЛИКАЛЫҚ ПРЕЗИДЕНТТІК ЖАҢА ЖЫЛДЫҚ ШЫРШАҒА 100 БАЛА ҚАТЫСТЫ

РЕСПУБЛИКАЛЫҚ ПРЕЗИДЕНТТІК ЖАҢА ЖЫЛДЫҚ ШЫРШАҒА 100 БАЛА ҚАТЫСТЫ

Елордада Қазақстан Республикасы Президентінің атынан балаларға арналған «Жаңа жыл республика төрінде» республикалық шырша тойы өтті. Оған еліміздің барлық өңірлерінен 100-ден астам бала қатысты.

Балалар үшін елорданың үздік шығармашылық ұжымдарының 400 әртісі мерекелік көңіл-күй сыйлады, «Астана Опера» мемлекеттік опера және балет театрының солистері «Күлбикеш» спектаклінің қойылымын тарту етті. Балалар қазақстандық атақты әртістер Маржан Арапбаева, Қарақат Әбілдина, Ержан Максиммен шыршаны айналып ән айтып, би биледі.

Шара соңында барлық қонақтарға Қазақстан Республикасы Президентінің атынан жаңа жылдық сыйлықтар табыс етілді.