Ш.Уәлиханов атындағы №10 ОМГ-да 1-11 сыныптарда «Отбасы – тәрбие басы, мектеп – тәрбие жаршысы» тақырыбында бірыңғай сынып сағаттары өтті.

Талдықорған қаласы, Ш.Уәлиханов атындағы №10 ОМГ-да «Рухани жаңғыру» бағдарламасы аясында 1-11 сыныптарда «Отбасы – тәрбие басы, мектеп – тәрбие жаршысы» тақырыбында бірыңғай сынып сағаттары өтті.
Отбасының рөлін, орнын, маңыздылығын түсіндіру мақсатында өткен сынып сағаттары мен әңгіме, диспуттарда оқушылар отбасындағы өз орнын түсіне отырып, жақындарын аялауға, үлкендерді құрметтеуге, оларға қамқор болуға үйренді.
Мектеп оқушыларына «Отбасы – шағын мемлекет», «Бақытты отбасы» атты бейнематериалдар көрсетіліп, тақырып төңірегінде әңгімелер жүргізілді. Жоғарғы сынып оқушылары отбасы жайлы көзқарастарымен бөліссе, бастауыш сынып оқушылары жақын адамдарына деген сүйіспеншілікті өз шығармашылықтарымен жеткізе білді.